Haath pehlu par rakha aur yeh Zahra (SA) ne kaha
Mera Mohsin (AS) na raha
Pasliyan toot gayin, aise darwaza gira
Mera Mohsin (AS) na raha

Pasliyan tootne ka gham hi nahin mujh ko koi
Qatl pehlu mein hui aaj yeh aulaad meri
Jeete ji maar gaya mujh ko bas yeh sadma

Dekha darwaze ke neeche jo mujhe rote hue
Paon darwaze pe rakh rakh ke sitamgar guzre
Itni takleef mein bhi main ne bas di yeh sada

Dar jo pehlu se woh Fizza (SA) ne hataya aa kar
Boleen Zahra (SA), mere bachchon ko sambhalo ja kar
Uthna mushkil hai bahut, zulm yeh kaisa hua

Jab rasan baandh ke gardan se Ali (AS) ko kheencha
Aayi zalim se bachane ke liye jab Zahra (SA)
Taziyana bhi saha par Ali (AS) se na kaha

Apna har zakhm Ali (AS) se bhi chhupana hai mujhe
Ab isi haal mein darbar bhi jana hai mujhe
Kitni majboor hoon main, waqt kaisa hai para

Baad Baba (SAW) ke Madina yun badal jayega
Raah mein koi tamaancha bhi mujhe marega
Mere Baba (SAW) ka mujhe aise pursa mila

Kham kamar aur mere baalon mein safedi hogi
Mujh pe atharah baras mein hi zaeefi hogi
Aaj Zahra (SA) ke liye gham ka aaghaz hua

Ab bhi Zeeshan, yeh aati hai Baqeea se sada
Apne Mahdi (ATFS) ko bataungi woh jab aayega
Jitne dukh main ne sahe, gham hai yeh sab se bara