Dard tooti hui pasliyon ka raha, aakhiri saans tak
Fatima (SA) ne sahara asa ka liya, aakhiri saans tak

Jis se tasbeeh parhti theen Khair-un-Nisa (SA)
Jis pe Qunfuz ka tha taziyana laga
Haath phir Sayyeda (SA) ka woh uth na saka, aakhiri saans tak

Jis jagah yeh bara zulm dhaya gaya
Aur jahan haath un par uthaya gaya
Us gali se na guzre kabhi Mujtaba (AS), aakhiri saans tak

Shehzadi (SA) ko darbar jana para
Aur mayoos ho kar ke aana para
Gham yeh Fizza (SA) ke dil se juda na hua, aakhiri saans tak

Dard ka woh zamana na bhoole kabhi
Maa ka darbar jana na bhoole kabhi
Haye Zahra (SA) ke bachon ne ki hai buka, aakhiri saans tak

Saath Zahra (SA) ke yeh gham manate rahe
Apne bachon pe aansu bahate rahe
Yaad Mohsin (AS) ko karte rahe Murtaza (AS), aakhiri saans tak

Ro raha hai Surani yeh kar ke raqam
Dhaaye Zahra (SA) pe ummat ne aise sitam
Haye sobbat Aliya ka tha marsiya, aakhiri saans tak