Hasan (AS), Hussain (AS) se pehle shaheed kam-sin hai
Woh koi aur nahin Sayyida (SA) ka Mohsin (AS) hai

Hua shaheed jo deewar-o-dar ke beech aa kar
Jise bachane se zakhmi hai pehlu-e-madar
Udaas us ke liye raat ghamzada din hai

Woh jis ne Karb-o-Bala ka safar kiya hi nahin
Zaban se jis ne abhi maa ko maa kaha hi nahin
Woh jhoolta kisi jhoolay mein, kya yeh mumkin hai

Ali (AS) ne aisa janaza kahan uthaya hai
Shaheed ho ke jo maidan-e-gham mein aaya hai
Woh sheer-khwar jo na-waqif-e-qad-o-sin hai

Woh jis ko ghusl-o-kafan ki kahan zarurat thi
Woh jis ke tan pe yeh misl-e-Khuda taharat thi
Jo Karbala ki zameen ka Imam-e-Zamin hai

Chhupa rahe hain Musalman usi shaheed ki baat
Gawah jis ki shahadat ki hai Khuda ki zaat
Yeh qatl sab yeh ayaan hai, kahan yeh batil hai

Qasam Khuda ki, ba-misl Hussain (AS) ibn-e-Ali (AS)
Shaheed ho gaya, lekin madad kisi ki na li
Malool us ke liye qaum Zafarjan hai

Ussi ke azm ki taqlid ki hai Asghar (AS) ne
Use shaheed kiya hai sitam ke lashkar ne
Malool tegh-e-Ali (AS) us shaheed ke bin hai

Firaq-e-Hazrat Mohsin (AS) mein mar gayi Zahra (SA)
Kisi bhi maa pe na utre yeh be-amaan sadma
Yeh dard samjhega Rehan jo bhi momin hai