Maa Maa Hoti Hai
Watch the noha
Open on YouTube ↗Listen to the audio
Recited by Raza Abbas Zaidi · Kalam by Zeeshan Abidi
Download audio ↧Waqt nazdeek tha, aakhri raat thi
Zakhmi Zahra ne Fizza ko aawaz di
Aayi Fizza to Zahra ne ro kar kaha
Ab tumhare hawale hai yeh ghar mera
Tum ko maloom hai mera haal, ae behen
Mere bachon ka rakhna khayal, ae behen
Yeh Fizza pukari, bataein yeh Bibi
Kami kaise maa ki main poori karungi
Maa maa hoti hai
Ae Fizza… Woh dekhte hain tum ko to milta hai un ko chain
Amma pukarte hain tumhein bhi Hasan o Hussain
Main bhooli nahin aap ka ghar chalana
Woh ek waqt mein do faraiz nibhana
Woh chakki chalana, woh jhoola jhulana
Kabhi aap ke bin na guzra koi din
Mujhe Amma, Fizza, woh kehte hain lekin
Ae Fizza… Aadat hai loriyon ki mere dil ke chain ko
Lori suna ke tum bhi sulana Hussain ko
Woh godi mein le kar use pyaar karna
Woh kehna mere laal so ja Husaina
Woh aawaz sunte hi bete ka sona
Main jab us ko lori sunaungi Bibi
Kahan se woh aawaz laaungi Bibi
Ae Fizza… Lagti bahut hai pyaas mere noor-e-ain ko
Uth uth ke shab mein paani pilana Hussain ko
Ho pyaasa to paani pila doongi Bibi
Main khana bhi us ko khila doongi Bibi
Subah main chehra dhula doongi Bibi
Gale se lagaungi, woh roothe manaungi
Magar maa ki khushboo kahan se main laaungi
Ae Fizza… Zalim ne dar gira ke meri god ujaad kar
Ek nasl khatam ki mere Mohsin ko maar kar
Ae Bibi, woh dar jab uthaya tha main ne
Shikasta hai pehlu, yeh dekha tha main ne
Woh jab aap se haal poocha tha main ne
Na gham pasliyon ka, na pehlu ka sadma
Thi yeh fikr Mohsin, na mar jaaye mera
Ae Fizza… Jab bhi Hasan ke saamne jaati hai Fatima
Haathon se apne gaal chhupati hai Fatima
Kaha ro ke Fizza ne, ae Shehzadi
Woh chhup chhup ke rota hai ghurbat pe maa ki
Nishan ungliyon ke hain chehre pe ab bhi
Janaze pe aa kar woh chehra jo dekhe
Main us waqt us ko sambhalungi kaise
Ae Fizza… Be-parda laayi jaayengi bazaar betiyan
Meri tarah se jaayengi darbar betiyan
Unhein Shamiyon se bacha loongi Bibi
Main haathon ko chadar bana loongi Bibi
Unhein apne peechhe chhupa loongi Bibi
Khule sar woh haaye jo darbar jaayein
Chali aaiyega jo Zainab bulaayein
Tasbeeh kar rahi thi, jo aawaz kho gayi
Thak kar ghamon se Fatima khamosh ho gayi
Janaze pe Zahra ke dekha yeh manzar
Kaha jab yeh Shabbir ne maa se ro kar
Ae Amma, bula lo, hai bechain dilbar
Yeh sun kar kafan se uthe haath maa ke
Yeh Fizza ne dekha to bole Ali se
Raza aur Zeeshan, kaisa samaan tha
Woh jab Shimr ne Shah pe khanjar chalaya
Pahunch kar yeh maqtal mein Fizza ne dekha
Us ke sarhane kaha Fatima ne
Lahad chhor aayi hoon tujh ko bachane
وقت نزدیک تھا آخری رات تھی
زخمی زہراؑ نے فضہؑ کو آواز دی
آئی فضہؑ تو زہراؑ نے رو کر کہا
اب تمہارے حوالے ہے یہ گھر میرا
تم کو معلوم ہے میرا حال اے بہن
میرے بچوں کا رکھنا خیال اے بہن
یہ فضہؑ پکاری بتائیں یہ بی بیؑ
کمی کیسے ماں کی میں پوری کروں گی
ماں ماں ہوتی ہے
اے فضہؑ۔۔۔ وہ دیکھتے ہیں تم کو تو ملتا ہے ان کو چین
اماں پکارتے ہیں تمہیں بھی حسنؑ حسینؑ
میں بھولی نہیں آپ کا گھر چلانا
وہ اک وقت میں دو فریضے نبھانا
وہ چکی چلانا وہ جھولا جھلانا
کبھی آپ کے بن نہ گزرا کوئی دن
مجھے اماں فضہ وہ کہتے ہیں لیکن
اے فضہؑ۔۔۔ عادت ہے لوریوں کی میرے دل کے چین کو
لوری سنا کے تم بھی سلانا حسینؑ کو
وہ گودی میں لے کر اسے پیار کرنا
وہ کہنا میرے لال سو جا حسینا
وہ آواز سنتے ہی بیٹے کا سونا
میں جب اس کو لوری سناؤں گی بی بیؑ
کہاں سے وہ آواز لاؤں گی بی بیؑ
اے فضہؑ۔۔۔ لگتی بہت ہے پیاس میرے نورِ عین کو
اٹھ اٹھ کے شب میں پانی پلانا حسینؑ کو
ہو پیاسا تو پانی پلا دوں گی بی بیؑ
میں کھانا بھی اس کو کھلا دوں گی بی بیؑ
سویرے میں چہرہ دھلا دوں گی بی بیؑ
گلے سے لگاؤں وہ روٹھے مناؤں
مگر ماں کی خوشبو کہاں سے میں لاؤں
اے فضہؑ۔۔۔ ظالم نے در گرا کے میری گود اجاڑ کر
اک نسل ختم کی میرے محسنؑ کو مار کر
اے بی بیؑ وہ در جب اٹھایا تھا میں نے
شکستہ ہے پہلو یہ دیکھا تھا میں نے
وہ جب آپ سے حال پوچھا تھا میں نے
نہ غم پسلیوں کا نہ پہلو کا صدمہ
تھی یہ فکر محسنؑ نہ مر جائے میرا
اے فضہؑ۔۔۔ جب بھی حسنؑ کے سامنے جاتی ہے فاطمہؑ
ہاتھوں سے اپنے گال چھپاتی ہے فاطمہؑ
کہا رو کے فضہؑ نے اے شہزادیؑ
وہ چھپ چھپ کے روتا ہے غربت پہ ماں کی
نشان انگلیوں کے ہیں چہرے پہ اب بھی
جنازے پہ آ کے وہ چہرہ جو دیکھے
میں اس وقت اس کو سنبھالوں گی کیسے
اے فضہؑ۔۔۔ بے پردہ لائی جائیں گی بازار بیٹیاں
میری طرح سے جائیں گی دربار بیٹیاں
انہیں شامیوں سے بچا لوں گی بی بیؑ
میں ہاتھوں کو چادر بنا لوں گی بی بیؑ
انہیں اپنے پیچھے چھپا لوں گی بی بیؑ
کھلے سر وہ ہائے جو دربار جائیں
چلی آئیے گا جو زینبؑ بلائیں
تسبیح کر رہی تھی جو آواز کھو گئی
تھک کر غموں سے فاطمہؑ خاموش ہو گئی
جنازے پہ زہراؑ کے دیکھا یہ منظر
کہا جب یہ شبیرؑ نے ماں سے رو کر
اے اماں بلا لو ہے بے چین دلبر
یہ سن کر کفن سے اٹھے ہاتھ ماں کے
یہ فضہؑ نے دیکھا تو بولیں علیؑ سے
رضا اور ذیشان کیسا سماں تھا
وہ جب شمر نے شہؑ پہ خنجر چلایا
پہنچ کر یہ مقتل میں فضہؑ نے دیکھا
پسر کے سرہانے کہا فاطمہؑ نے
لحد چھوڑ آئی ہوں تجھ کو بچانے


