Aaj Meri Maa Chali Gai
Watch the noha
Open on YouTube ↗Listen to the audio
Audio recording · Raza Abbas Zaidi
Download audio ↧Jab aaye qabr mein dafnake Fatima (SA) ko Ali (AS)
Kaha Husain (AS) se aayengi ab na Ammaa kabhi
Tumhein pilaunga beta main aaj se paani
Yeh pehli raat hai yaad aayegi bohat maa ki
Tumhari fikr mein hogi lahad mein maa bechain
Subah se jaage ho so jao thodi der Husain (AS)
Badh ker Ali (AS) ne gale jab lagaya
Yeh kehke Shabbir (AS) ne sar uthaya
Aaj meri maa chali gayi
Baba mujhe yeh batayein, kyun chhor jati hain maaein
Seene se apne laga kar, ab kaun dega duaein
Nazron se jata nahi maa ka chehra, kaise mujhe neend aayegi baba
Rota hoon jab se suna hai maa ko tamancha laga hai
Aulad ke samne kya maa ko koi marta hai?
Yeh waqt baba kisi par na aaye, maa apne bachon se chehra chupaye
Darwaza maa par gira kar kehne laga aik sitamgar
Aaj itna Zahra (SA) ko maro, uth na sake zindagi bhar
Hansta raha maar kar taziyane, aaya nahi maa ko koi bachane
Bazu hi jab toot jaye, kaise koi haath uthaye
Bete ko is haal mein maa seene se kaise lagaye
Phir bhi mere naaz uthati thi amma, takleef mein muskurati thi amma
Maa mar gai hai pata tha, par dil nahi maanta tha
Aur aap ne mere baba jab ghusl unko diya tha
Yun cheekh kar aap roye the baba, us waqt mujh ko yaqeen aa gaya tha
Haye main darbar se ghar aaya tha jab maa ko le kar
Raste mein amma ke paon khat kheenchte the zameen par
Kaise qadam woh uthati thin baba, chalti thin phir baith jati thin baba
Mara tha zalim ne baba jis haath par taziyana
Bhoolunga kaise main maa ka woh haath mujh se chhupana
Woh neel meri nazar mein tab aaya, maa ne kafan khol kar jab bulaya
Jab door apne watan se mehroom ho kar
Kafan se laasha para hoga, mera lut jayega sab badan se
Jaunga aik roz Karb-o-Bala mein, lekin ghareeb aaj se ho gaya main
Seene se apne laga kar us dam bohat roye Haider (AS)
Haye Raza aur Zeeshan, jab bole Shabbir (AS) ro kar
Maa mar gai, ab jiyunga main kaise, aye kaash mar jata main un se pehle
جب آئے قبر میں دفنا کے فاطمہؑ کو علیؑ
کہا حسینؑ سے آئیں گی اب نہ اماں کبھی
تمہیں پلاؤں گا بیٹا میں آج سے پانی
یہ پہلی رات ہے یاد آئے گی بہت ماں کی
تمہاری فکر میں ہوگی لحد میں ماں بے چین
صبح سے جاگے ہو سو جاؤ تھوڑی دیر حسینؑ
بڑھ کر علیؑ نے گلے جب لگایا
یہ کہہ کے شبیرؑ نے سر اٹھایا
آج میری ماں چلی گئی
بابا مجھے یہ بتائیں کیوں چھوڑ جاتی ہیں مائیں
سینے سے اپنے لگا کر اب کون دے گا دعائیں
نظروں سے جاتا نہیں ماں کا چہرہ کیسے مجھے نیند آئے گی بابا
روتا ہوں جب سے سنا ہے ماں کو طمانچہ لگا ہے
اولاد کے سامنے کیا ماں کو کوئی مارتا ہے؟
یہ وقت بابا کسی پر نہ آئے ماں اپنے بچوں سے چہرہ چھپائے
دروازہ ماں پر گرا کر کہنے لگا ایک ستمگر
آج اتنا زہراؑ کو مارو اٹھ نہ سکے زندگی بھر
ہنستا رہا مار کر تازیانے آیا نہیں ماں کو کوئی بچانے
بازو ہی جب ٹوٹ جائے کیسے کوئی ہاتھ اٹھائے
بیٹے کو اس حال میں ماں سینے سے کیسے لگائے
پھر بھی میرے ناز اٹھاتی تھی اماں تکلیف میں مسکراتی تھی اماں
ماں مر گئی ہے پتا تھا پر دل نہیں مانتا تھا
اور آپ نے میرے بابا جب غسل ان کو دیا تھا
یوں چیخ کر آپ روئے تھے بابا اس وقت مجھ کو یقین آ گیا تھا
ہائے میں دربار سے گھر آیا تھا جب ماں کو لے کر
رستے میں اماں کے پاؤں خط کھینچتے تھے زمیں پر
کیسے قدم وہ اٹھاتی تھیں بابا چلتی تھیں پھر بیٹھ جاتی تھیں بابا
مارا تھا ظالم نے بابا جس ہاتھ پر تازیانہ
بھولوں گا کیسے میں ماں کا وہ ہاتھ مجھ سے چھپانا
وہ نیل میری نظر میں تب آیا ماں نے کفن کھول کر جب بلایا
جب دور اپنے وطن سے محروم ہو کر
کفن سے لاشہ پڑا ہوگا میرا لٹ جائے گا سب بدن سے
جاؤں گا اک روز کرب و بلا میں لیکن غریب آج سے ہو گیا میں
سینے سے اپنے لگا کر اس دم بہت روئے حیدرؑ
ہائے رضا اور ذیشان جب بولے شبیرؑ رو کر
ماں مر گئی اب جیوں گا میں کیسے اے کاش مر جاتا میں ان سے پہلے
