Haath pehlu se hataya nahi jaata Baba
Dard ne kar diya Zahra (SA) ko zaeefa Baba

Meri tazeem na ki, uth uthaya usne
Saamne beton ke le tu keh ke bulaya usne
Bhoolun kaise main ummat ka rawaiya Baba

Ab woh darbaar kahan Baba mere qaabil hai
Mera qaatil bhi wohi hai jo tera qaatil hai
Tere qaatil ne mujhe maara tamaancha Baba

Yeh na socha ke Nabi (SAWW) aa ke jahan rukte thay
Jahan Hasnain (AS) o Ali (AS) shaam-o-sehar jhukte thay
Teri Zahra (SA) pe woh darwaza giraya Baba

Rassi sartaaj ki sheh-rag ke qareen roti thi
Unki talwaar bhi ab zer-e-zameen roti hai
Chhup ke karte hain Ali (AS) raat ko girya Baba

Dard itne hain ke saare main sunaun kaise
Zakhm aise hain ke Haider (AS) ko dikhaun kaise
Saare zakhmon ki gawaah hai meri Fizza (SA) Baba

Laash-e-Abbas (AS) pe Sadiq yeh khulega uqda
Ek hi Mohsin (AS) o Abbas (AS) ka qaatil hoga
Dushmani hogi kahan is se zyada Baba