Jis ne sada se pehle hamesha ata kiya
Beti usi ki ban ke sawali khari rahi

Jo samjhe Musalman musibat yahi hai
Ke darbari baithe hain, Zahra (SA) khari hai

Sitam hai Muhammad (SAWW) ki tehreer parh kar
Sabhi hans rahe hain, wohi ro rahi hai

Hijab-e-Khuda hai jo Bint-e-Nabi (SAWW) hai
Woh darbar mein jaane kab se khari hai

Diya aise ummat ne Baba pursa
Batool (SA) apne pehlu ke bal gir pari hai

Bata mujh ko Amma mera jurm kya tha
Yeh Mohsin (AS) ki ab bhi sada aa rahi hai

Karegi na Zahra (SA) ab apna koi gham
Ali (AS) ke gale mein rasan dekh li hai

Khayal aa gaya be-rida betiyon ka
Woh Ghazi (AS) ka kurta jabhi si rahi hai

Hai mushkil bara Qabr-e-Zahra (SA) banana
Ali (AS) ke labon pe bhi Naad-e-Ali hai

Batool (SA) ab bhi Qabr-e-Shikasta se Ahsan
Imam-e-Zaman (ATFS) ko sada de rahi hai