Aye Shah-e-Ambiya (SAWW), yeh Musalmaan ne kya kiya
Mimbar pe Fatima (SA) ka mujrim bitha diya

Utri hai jinki shaan mein aayat baar baar
Jinki raza ko radd na kare Rabb-e-Kirdigaar
Haq maangne gayi woh to khaali lauta diya

Jis dar pe aap rukte thay lene ijazatein
Aate farishte arsh se karne ziyaratein
Us be-haya ne aag se woh ghar jala diya

Jis shakhs ne di aapko hizyaan ki saughaat
Jis se mila na aapko kaaghaz, qalam, dawaat
Darbaar mein Batool (SA) ko us ne rula diya

Hansne laga la’een jo rone lagi Batool (SA)
Ghaasib ne Syeda (SA) ki gawaahi na ki qubool
Khud sachcha ban ke Bibi (SA) ko jhoota bana diya