Alwida Fatema

Haye Baad baba ke jo guzri wo Musibat sunlo
Ya ali fatema zehra ki wasiyat sunlo

Aaj rukhsat ho rhi hai Tumse zehra Ya Ali
Parda e shab mein meri mayyat uthana Ya Ali

Pasliya todi gai kaise ye batlaungi mai
Hashr ke maidaa'n mein bhi is haal mein aaungi mai
Haath pehlu se na tum mera hatana Ya Ali

Wo musibat aap ne achcha hua dekhi nahi
Ab mai sidhe haath se tasbih padh sakti nahi
Aisa kunfuz ne hai mara taziyana Ya Ali

Haye.... Kehti hai zainab ye mujhse dekhkar chehra mera
Aapke rukhsaar par ye neel hai kaisa pada
Are Maine khaya hai tamacha, Mat batana ya ali

Taziyane ki aziyyat ka uthana ek taraf
Wo tamache, qatle mohsin, dar jalana ek taraf
Sabse mushkil tha magar darbaar jana ya ali

Jab meri talqeen padhna yaad kar lena zara
Dar ke girne se mera baazu bhi hai toota hua
Mere shano ko zara dhire hilana ya ali

Haye... Chahe aajaye qayamat mujhse ye waada karo
Jab talak maula mere shabbir ki marzi na ho
Are Tab talak mera janaza mat uthana ya ali

Jab se aayi hu palat kar fikr hai mujhko yehi
Mai to parde mein gai fir bhi zaeefa ho gayi
Berida darbaar hai zainab ko jana ya ali

Karbala mein jab mere mazloom par khanjar chale
Pyaas k aalam me wo ghazi ko jab aawaaz de
Mai bhi aaungi waha par tum bhi aana ya ali

Haye... Haath pehlu pr rakhe boli takallum fatema
Mai dua krti hu tum aamin keh dena zara
Jald aaye mere Mahdi ka zamana ya ali