Fatima Zahra (SA), Fatima Zahra (SA), Zahra (SA)

Fatima Zahra (SA), Fatima Zahra (SA)

Ya Zahra (SA), Ya Zahra (SA)

Ae Meri Bibi (SA)
Tere dar pe isteghasa hai
Tera mamnoon meri shehzadi, yeh jahan saara hai
Zahra (SA)

Ya Zahra (SA), Ya Zahra (SA)

Tu hamein hifz aur amaan de de
Apni chadar ka sayeban de de
Teri qudrat mein kya nahin Bibi (SA)
Tu jise chahe do jahan de de

Ya Zahra (SA), Ya Zahra (SA)

Ae Meri Bibi (SA)
Aansuon ne dua maangi hai
Teri tasbeeh padh ke dil ne tujhe pukara hai
Zahra (SA)

Ya Zahra (SA), Ya Zahra (SA)

Qarz maqrooz ka ada kar de
Muflison ka naseeb wa kar de
Jin ki godi hari nahin Bibi (SA)
Un ko aulaad tu ata kar de

Ya Zahra (SA), Ya Zahra (SA)

Ae Meri Bibi (SA)
Bas tu hi muraad deti hai
Teri chaukhat dar-e-ilahi ka isteara hai
Zahra (SA)

Ya Zahra (SA), Ya Zahra (SA)

Farsh-e-majlis pe aur musalle par
Har jawan keh raha hai ro ro kar
Hum rahein na rahein magar Bibi (SA)
Ta qayamat rahe gham-e-Sarwar (AS)

Ya Zahra (SA), Ya Zahra (SA)

Ae Meri Bibi (SA)
Tere bachon ka gham manate hain
Apni aulaad se kahin badh ke gham yeh pyara hai
Zahra (SA)

Ya Zahra (SA), Ya Zahra (SA)

In shaheedon ka yeh muqaddar hai
Sayeban in ka teri chadar hai
In ke seenon pe ae meri Bibi (SA)
Daagh-e-maatam nishan-e-Haider (AS) hai

Ya Zahra (SA), Ya Zahra (SA)

Ae Meri Bibi (SA)
Khuld mein shaheed jab jaaye
Teri awaaz aaye, aane do, yeh hamara hai
Zahra (SA)

Ya Zahra (SA), Ya Zahra (SA)

Khoon ban kar ragon mein hai noha
Meri naslon mein bhi rahe noha
Jaise main ne padha hai bachpan se
Mera Nade Ali (AS) padhe noha

Ya Zahra (SA), Ya Zahra (SA)

Ae Meri Bibi (SA)
Us ke dil mein wilayat-e-Haider (AS)
Mere maa baap ki taharat ka ek ishara hai
Zahra (SA)

Ya Zahra (SA), Ya Zahra (SA)

Tere dil par hain jo sitam toote
Zindagi mein jo tu ne gham dekhe
Aasman-o-zameen pe gar hote
Misl-e-shab woh siyah ho jaate

Ya Zahra (SA), Ya Zahra (SA)

Ae Meri Bibi (SA)
Dekh kar teri museebat ko
Saare aalam ka dil masaib se para para hai
Zahra (SA)

Ya Zahra (SA), Ya Zahra (SA)

Tujh ko ummat ne yun sataya hai, Ya Zahra (SA)
Tujh ko ummat ne yun sataya hai
Marg-e-Mohsin (AS) pe bhi rulaya hai
Tujh ko Baba (SAW) ke baad ummat ne
Haaye darbar mein bulaya hai

Ya Zahra (SA), Ya Zahra (SA)

Ae Meri Bibi (SA)
Kitne sadme uthaye hain tu ne
Jeete jee tujh ko meri shehzadi, gham ne maara hai
Zahra (SA)

Ya Zahra (SA), Ya Zahra (SA)

Hai yehi Mazhar Abidi ki dua
Tere bachon ka gham rahe zinda
Saath Irfan ke rahe jaari
Tere sadqe mein karwan-e-aza

Ya Zahra (SA), Ya Zahra (SA)

Ae Meri Bibi (SA)
Tere dar pe sar jhukate hain
Har Hussaini ka tere tukdon pe hi guzara hai
Zahra (SA)

Ya Zahra (SA), Ya Zahra (SA)

Waraq-e-maatam shud aalam-e-bala
Meer-e-man Maula
Sarwar (AS)-e-Zahra (SA)
Aah-o-waaweila