Fatima Ka Bharay Madinay Mein
Reciter: Mir Hasan Mir
Writer: Hasnain Akbar
Category: Noha | Ayyam-e-Fatimiyah

Haye Mazlooma Fatima Zahra (SA) Haye Mehrooma

Fatima (SA) ka bharay Madinay mein gham bataane koi nahi aaya
Ghar jalaane ko kalma-go aaye, haye ghar bujhaane koi nahi aaya

Kya woh Islam ka hi markaz tha, kya Madina tha woh Muhammad (SAWW) ka
Lag rahe the jahan pe Zahra (SA) ke taaziyaane, koi nahi aaya

Rassiyan thi Ali (AS) ki gardan mein, aur bazaar se guzarte the
Sab tamashayi ban ke takte rahe, aur chhudaane koi nahi aaya

Dar jala, qatl ho gaye Mohsin (AS), pasliyan Sayyeda (SA) ki toot gayin
Phir bhi kehte ho tum ke Zahra (SA) par zulm dhaane koi nahi aaya

Khud hi chunne lagi Nabi Zaadi (SA), bikhri tehreer apne Baba ki
Mustafa (SAWW) ki sanad ke tukdon ko, haye jab uthaane koi nahi aaya

Har sitam Fatima (SA) pe dhaaya gaya, jalta darwaza bhi giraaya gaya
Apne Mehdi (AS) ko di sada usne, haye jab bachaane koi nahi aaya

Aath Shawwal ko hui Akbar, phir shahadat Nabi (SAWW) ki beti ki
Gir raha tha mazaar Bibi (SA) ka, aur bachaane koi nahi aaya